bosy
...::l عضو متميز |::...
عدد الرسائل : 701
تاريخ الميلاد : 01/08/1990
العمر : 33
علم الدوله : 
المزاج : 
الهواية : 
نقاط : 109
تاريخ التسجيل : 07/07/2008
 |  موضوع: حملة انا احب السرطان هو يحبنى  03.03.09 0:52 | |
| حملة أنا أحب السرطان ...السرطان يحبنى
* مكتب رئيس الوزراء:
دخل كبير اليوران على رئيس الوزراء المنهمك فى لعب رياضتة الصباحية المفضلة (فيفا 2005) هاتفا :
_صباح الخير يا فندم.
_صباحك زى وشك ,اهو زيدان اتصاب على دخلتك النحس....عايز اية؟
_الحقيقة يا فندم مش خير ابدا ......السيد عتمان وزير الزراعة ..
_مالة؟
_اكتشفنا ان المبيدات اللى استوردها كلها مسببة للسرطان.
_طيب امنعوا دخولها.
_للآسف يا فندم اتاخرنا ,المبيدات دخلت واترشت والزرع طلع والناس بتاكلة بالهنا والشفا..
_مش بقولك هو يوم نحس ,طيب لحد مخلص الماتش دة تلم لى كل الوزراء الرمم بتوعنا.مفهوم
_مفهوم يا فندم ..والف سلامة على زيدان يا فندم ....ربنا يطمنك علية .
* اجتماع*
رئيس الوزراء :اية بقى موضوع السرطان يا سى عتمان ؟
_ يا فندم ما سيادتك عارف الصفقة اياها بتاعت 50 مليون .
_أأأأأة هى دى ؟ ومين اللى شم خبرها بقى؟
_صحفى عميل وخائن .
_ طبعا ومتأمر كمان .....طب والحل.
_وزير الداخلية : احنا نلفقلة تهمة ونرمية فى المعتقل زى اى معارض .
_ رئيس الوزراء : لا ما ينفعش حقوق الانسان حاطة عينها علينا واحنا داخلين على انتخابات
_وزير الصحة:عندى حل يا فندم.
_قول....
_احنا نقوا اننا جبنا المبيدات علشان نعمل عليها ابحاث فى معامل الوزارة لانتاج دواء للسرطان
_بقى بذمتك حد هيصدقك ؟؟؟المعامل بتاعتك دى اخرها تعمل شاى كشرى ...مش دوا سرطان.
_فين عبدة الترزى ؟
_ايوة يا فندم .
_ساكت لية ...ما تتكلم ....ولا انت مستشار اونطة ؟
_قول يا فصيح اخواتك .
_ احنا نعمل اقوى حملة دعائية لتوعية الناس بفوائد السرطان......
_وهو السرطان ...بعد الشر يعنى...ليه فوائد....
_طبعا يا فندم ..دا العلماء العباقرة بتوعى عملوة ...اكتشفوا للسرطان فوائد كتيييييييير.
_رئيس الوزراء :طيب انا موافق ...وطبعا موافقين يا بقر.........نفذ الخطة .
& لقاء تلفزيونى &
_المذيعة: لأول مرة معانا فى قناة انتيكا بنستضيف الدكتور العالمى عبدة الترزى ..
_ اهلا بيك يا دكتور
_ اهلا وسهلا ....انت اكتشفت فوائد للسرطان صح ...ياريت تشرحهم للجمهور.
_اولا : السرطان يقى من امراض الشيخوخة.
_ ازاى .
_لان مريض السرطان بيموت صغير ..
_اة صحيح , دى وجهة نظر محدش فكر فيها قبل كدة .
_السرطان بيحافظ على الاخلاق ......الاخلاق؟ ازاى بقى ؟
_لانه بيضيع السمع والنظر وكدة الواحد لا يرى او يسمع اى شئ يغضب ربنا ...
_ لا يادكتور ...انت كلامك كلة حكم ...طيب واية تانى.
_ثالثا السرطان بيحافظ على الرشاقة لانة ما بيخليش المريض يأكل اصلا...
_ الله ..دا انا من زمان بدور على طريقة للرجيم فعلا دكتور ....العلم نور .
_رابعا السرطان يضمن للمريض انة يستنشق هواء نقى ملئ بالاوكسجين.......فين يا دكتور؟
_ فى الرعاية المركزة .....ااااة انا سمعت ان الاكسجين مفيد اوى ...يااا بختهم.
_خامسا السرطان بيدرب المناعة ..........معقول ؟ ازاى يا دكتور؟
_عشان بيفتح الباب لامراض كتيرة فيتدرب جهاز المناعة نتيجة لاحتكاك بالفيروسات.
_الحقيقة يا دكتور العالم لازم يطلع على العلم الحديث دة........وايه كمان.
_السرطان لة دور مهم فى حل ازمة البطالة .......ازاى الكلام ده ؟
_ كل ما مرضى السرطان يكتروا المستشفيات تكتر والدكاترة تشتغل والبركة فى المبيدات.
_ سابعا السرطان يساعدك تدخل الجنة ......بجد ؟ ازاى ؟
_ لان المريض مش ها يلحق يعمل ذنوب......
_أعزائى السادة بعد هذة الفوائد لازم كلنا نحب السرطان وندعم حملة "انا احب السرطان "
_مكتب رئيس الجمهورية ::::_
البرنامج نجح نجاح هايل ....ومحدش بيكلم الا عن فوائد السرطان...
_ البركة فى حكمة سيادتك يا فندم .
_ اصرف لكل المسؤلين عن البرنامج مكافأة فورية .........
_اوامرك يا فندم ..نصرفلهم اد اهة ؟ نص شهر كويس ؟
_لا مش فلوس...
_امال اهة .....؟
_ شوال بطاطس بالسرطان علشان يكونوا قدوة للجماهير.... | |
|
الفرعون العاشق
...::l عضو جديد |::...
عدد الرسائل : 26
تاريخ الميلاد : 26/12/1990
العمر : 33
الهواية : 
نقاط : 0
تاريخ التسجيل : 02/03/2009
| | موضوع: رد: حملة انا احب السرطان هو يحبنى 03.03.09 1:05 | |
| بلد بتاعت شهادات صحيح ههههههههههههههههههههههههههههههههههههه انا ليه حاسس انى سامع صوت عربيه بوليس داخله علينا على فكرا كلنا بنحب مصر و بنحب الناس اللى مسكا مصر تمام يا باااااااااااااااااااااااااااشا    | |
|
crazygirl saso
...::| عضو محترف |::...
عدد الرسائل : 451
تاريخ الميلاد : 24/10/1991
العمر : 32
الاقـــامــه : في البيت بتاعنا
علم الدوله :
المزاج : 
الهواية : 
نقاط : 36
تاريخ التسجيل : 07/07/2008
| | موضوع: رد: حملة انا احب السرطان هو يحبنى 03.03.09 9:38 | |
| ههههههههههههههههههههههههههههههههههههههههههههههههههه
لالالالالالا حامله جااامده واللله لو اتنفذت هتبقي جااامده و انا كمااان يامحمد حااسه ان البت هااجر هتروح بلاش
يلا خدت الشر و راااحت | |
|
amr tito
...::l عضو جديد |::...
عدد الرسائل : 42
تاريخ الميلاد : 13/05/1991
العمر : 32
الاقـــامــه : egypt
علم الدوله :
المزاج : 
الهواية :
نقاط : 66
تاريخ التسجيل : 13/03/2009
| | موضوع: رد: حملة انا احب السرطان هو يحبنى 28.10.09 14:13 | |
| I DONT LOVE CANSER
FORGEV ME | |
|
